Dated Aizawl, the 6th February, 2018: MZP leh 46th Assam Rifles tang kawp chuan February 2018 atang tanin a duh apiang tana zir theih turin Hindi Spoken free Class kal pui mek ni a, Hindi Spoken Free class hi nitin tlailam Dar 3:00 PM - 5:00 PM chhung zir thin a ni. Tunah hian zirlai eng emaw zatin Hindi Spoken Free Class hi an zawm mek a, Hindi Spoken Free Class hi a duh apiang tan zir theih a ni bawk a ni.

MZP chuan Mizo thalai tam takin Hindi kan thiamloh avangin harsatna kan tawk mek niin a hria a, India rama kan awm rih si a, India rama kan awm chhung chuan Hindi tawng thiam hi a pawimawh tih hria in 46th Assam Rifles nen tangkawpin he Hindi Spoken Free Class hi a kal pui a. Mizo thalai ten Hindi hi thiam se State danga hnathawk thei tur khawpin thiam se tih hi MZP chuan a duh ber a ni. Hindi kan thiamloh avangin Mizo thalai tam takin kan hnathawh tur ang kan thawk theilo niin MZP chuan a hria a, phai a awm Mizo thalai tam tak pawn tawngah harsatna kan tawh thin avangin kan hnathawh tur ang leh kan nih tur ang kan thleng pha thin lo fo mai a, hei hi MZP chuan pawi a ti tak zet a, Hindi hi thiam a Mizo thalai te Hnamdang karah pawh hnathawk thei tura chher hi MZP chuan a duh ber ani.

Tin, MZP chuan Mizo thalai ten Mizoramah chauh hian hnathawh tum lo se a duh a, kan ram hnain min daih dawn loh avangin Mizo thalai te hian ram dangah hna kan thawh hi a ngai hle tih a hria a, chumi a nih vang chuan Hindi hi khawvel a tawng thangchak tak a nih vang leh kan rama tawng pawimawh ber a nih vangin Mizo thalai ten thiam vek ila tih hi MZP duh dan ni.

MZP leh 46th Assam Rifles tangkawp ten Hindi Spoken Free Class an buatsaih hi a zir duh tan Office hun chhungin MZP Office Treasury Square-ah ngaihven theih reng a ni e.

(H.LALTHIANGHLIMA)
Asst. Gen. Secretary