PRESS RELEASE

THU LEH HLA KUTPUI KHUHHAWNNA HMANG

Vawiin ni 14th September,2018 khan MZP Conference hall-ah, MZP buatsaih Thu leh Hla Kutpui khuhhawnna hman a ni a, he hun hi Pu Lalvansanga Pautu, Editor MZP Chanchinbu-in a kai hruai a, Tv. Zohmingthanga Zote Executive Committee Member in hunserh a hmang a ni. He hunah hian Tv. L. Ramdinliana Renthlei, President MZP in thu sawinin, Pu Rohmingthanga Ralte Asst. Professor Govt. Aizawl North College Mizo Department hnen a tangin ‘Lalawithangpa chanchin leh a hlate’ tih Paper Present ngaihthlak a ni bawk.


Thusawi tu Tv. L Ramdinliana Renthlei chuan“Mizo tawng hman dik chungchangah hian kan fimkhur a ngai hle a, zilaite hian Mizo tawng kan hman dik leh dik loh ah kan hnam ziarang a timawiin a timawi lo thei hle a hemi kawng ah hian mawhphurh na sang tak kan nei a ni. Hun lo kal zel turah kan thlah lo awm zel tur te tan hnam mawi leh duhawm kan hnutchhiah theih nan Mizo tawng hmandik hi kan tih makmawh a ni. Mobile Phone te, Facebook te leh Whatsapp-te hi a lian ber a tanga a te ber thlengin kan hmangin kan khawih tawh a, hengte hi chanchin inhrilh tawn nan kan hmang tangkai ta hle a, amaherawhchu kan thu ziak inthawn danah Mizo tawng dik lo tak tak hman kan ching hle a, hei hian Mizo tawng ziarang chu zawi zawiin a khawih danglam a ni. Heti anga thuziak diklo hmanga thu kan inthawn zel chuan ngaiah neih a awl dawn a, a dik zawk turah kan la ngai ang tih a hlauhawm hle a, hemi kawngah hian zirlai te kan fimkhur a ngai a ni. Khawvel a awm chhung chuan Mizo te pawh hi kan la awm ve zel ang a kan tawng pawh hi kan la inhlan chawng zel ang a chuvang chuan zirlai ten Mizo tawng hman dik kawng ah tan lak kan ngai tak zet a ni” a ti.

Paper present tu Pu Rohmingthanga Ralte, Asst.Professor Govt. Aizawl North College chuan ‘Awithangpa chanchin leh hlate’ hmang in Paper tha tak Present-na hun a nei a, he hun a kal khawm te hian sawi hona hun tha tak an hmang bawk ani. Kal khawmte chuan hlawkthlak an ti hle a, MZP ten Thu leh Hla Kutpui hi Ni 25th-26th October, 1959 atang khan an lo hmang tawh a ni.

Sd/-

(H.LALTHIANGHLIMA)

Asst. General Secretary