Vawiin ni 13th March,2019(Nilaini) chawhma dar 10:30 khan MZP General headquarters hruaitute leh Khasi Students’ Union(KSU) hruaitute inkawmhona neih a ni. He hun hi Tv. Ricky Lalbiakmawia, NESO Finance secretary chuan a kai hruaiin, Tv. L. Ramdinliana Renthlei , President, MZP leh Mr. Donald, General Secretary, KSU ten thu an sawi bakah. Pu Lalnunmawia Pautu, General secretary, MZP in inhmel hriattirna bakah pawl in kaihhruai dan leh kalphung report kimchanga pe bawk. 


He huna thusawitu Tv. L. Ramdinliana Renthlei MZP President chuan, "MZP chu zirlaite tana ding a ni a, zirlaite hamthatna turah chuan theihtawp chhuahin hma a la thin a, zirlaite tan nasa takin hna a thawk thin a ni. Mizoram chhungah zirna In chi hrang hrang a awm a, heng zirna in hrang hrangah hian India ram state hrang hranga zirlaite hian lo zir ve se MZP chuan kan duh hle a ni. 


 Tin, tunah hian Mizoram chhungah state dang atangin School, College leh University a kal mek zirlai thahnem tak an awm mek bawk a ni. Heng zirlaite hian tha taka lehkha an zir theih hi MZP duh dan a ni a, zalen tak leh nuam ti taka Mizoram a hnamdang/State dang zirlai ten Mizoram chhunga lehkha an zir theih hi kan duh hle a. Zalen tak leh nuam ti taka an zir theih nan MZP chuan hma a la zel dawn a ni."a ti a. 

 L. Ramdinliana Renthlei chuan, "MZP chuan Mizoram hmasawnna a duh angin Mizoram tana hmasawnna tura hnathawk lo awm hnamdang pawh Mizoram chhungah zalen taka hna an thawh hi kan duh a. Harsatna nei lo a, Mizoram hmasawn nan tha taka hna an thawh hi kan duh a, hnamdang pawh nise kan ram hmasawn nana hna thawk tute chu kan lo lawm em em vek a ni." a ti bawk Mr. Donald, General Secreatary, KSU chuan, Mizoram chu vawikhat a lo kalna anih thu leh nuam a tih thu a sawi a.
 An lo kal chhan ber chu MZP chu N.E State zirlai pawl zinga hmingtha leh ram leh hnam tana ke pen ngam tak tak an ni tih State dangte zirlai pawlin an hriat avanga lo tlawh an nih thu a sawi a. Citizenship Amendment Bill,2016 chungchangah pawh NESO anga hmalak bakah State dang zirlai pawl aiin, MZP hmalakna chuan Central sorkar ngenga chhun nasa tih a sawi bawk. KSU, General Secretary chuan, Kum 1936 a dan ang thlapa Khasi chhungkua 70 Vairengte hmuna rawn pem lutte chu tun thlengin thlamuang takin an la awm thei chu lawmawm an ti a. 



Mizoram sorkar chungah pawh KSU chuan lawmthua sawi a. Chu tih rualin Mizoram chhunga danlo lo pem lut Chakma leh Tuikuk zawkte pawhin hamthatna tam tak an hmuh laia dan ang taka lo pem lut zawk Khasi ten harsatna tam tak anla tawk chu MZP ten hma min lakpui hram turin, tiin a sawm a ni. Khasi ramah Mizo ten veng inneih ang hian Mizoram ah pawh thlamuang taka awm a ve a veng neih ve kan duha ni a ti.
MZP leh KSU hruaitute hian thawhhona tha an neih zel theih nan leh lungruala taka ke pen ho zel theih nan- duhsakna 'sash' an in hlan tawn vek a ni.

 Sd/-
(LALNUNMAWIA PAUTU) 
General Secretary