PRESS RELEASE
MZP Sub-headquarters E.Lungdar

Vawin 28th May 2019 khan MZP Sub-Headquarters, East Lungdar chuan an khaw chhunga HSLC leh HSSLC exam zawh taka hlawhtlinna changte chawimawina hun an hmang a, Pi Dorothy Muansangi BDO chu Khuallian a ni a, Pu H.Lalthianghlima Asst. General Secretary hovin  MZP General hruaitu ten he hun hi an hmanpui bawk. Career awareness campaign hun tha tak zirlaite hnenah neih a ni bawk.

Khuallian Pi Dorothy Muansangi BDO chuan " Mizoram MBSE hnuaia HSLC/ HSSLC exam results chhuak a zirlai tam tak in hlawhtlinna an chang hi a lawmawm a, MZP East lungdar hruaitu ten hetiang programme an buatsaih hi a lawmawm a, Zirlaite ah chona a pek zel ka beisei. Vawin a kan chawimawi aia tam chawimawi tur lo awm zel turin ka duh che u a. Tum mumal tak neiin zir ula, Hnamdang ho kan hria Civil service an tum chu an naupang tet atang a hlawhtlinna turin theihtawp an chhuah thin a, rual elna chang an hria a,eng dinhmunah pawh ding che an tumruhna chuan hlawhtlinna ah a hruai thin a. Mizo te pawn tumruhna nen theihtawp chhuah ang ila, hnamdang tih theih chu tive thei a bul tan kan ngai a ni." a ti.

He huna thusawitu H.Lalthianghlima Asst. General Secretary, MZP General Headquarters chuan, "MZP in Zirlai hlawhtlinna chang thar te kan chawimawi chhan chu Zirlaite ah inelna thianghlim awm se kan duh a. Zirlai ten kan zirlai tha taka kan pass zel theih nan zirlai pass te kan chawimawi thin a ni. Zirlai te chu lehkha kan zirlai chuan YMA leh Kohhran thalai ah te in hmang vak tur a ni lo a, lehkha kan zir zawh a, kan ram leh hnam leh kan khawtlang in min mamawh zawk a ni tih kan hriat a pawimawh hle a ni. Lehkha kan zirlai chuan kan zirlai chiah kan ngaihtuah a ngai a ni." a ti a.

 "Mizo te hi hnam huaisen kan ni a, mahni a ro inrel thin hnam kan ni, kan hnam pasal tha ten zalenna tluantling kan neih theih nan theihtawp chhuah in zalenna an lo sual tawh a tun dinhmun hi kan thleng ta a ni. Vawin ah chuan zalenna leh hmasawnna kan neih theihna turin tih takzet a lehkha kan zir angai a, hnamdang te el phakloh tur khawp a, zirna kan uar angai a ni. Ram leh hnam tana thil ti ropui tithei tur khawp in zirlai ten tan la ila, zoram tan fahrin man hla ni turin tan ila ang u. Tun tum results chhuak ah pawh thingtlang atang top 10 a lang te an awm nual a, nangni pawn in tithei tih hria in theihtawp chhuah in ke pen ang u." a ti bawk.

MZP Sub headquarters E-Lungdar zirlai hlawhtlinna chang thar te chawimawina ah hian class X   leh class XII eng emaw zatte hnenah chawimawina thuziak hlan an ni a. He huna hian khawtlang hruaitu VC te leh Zirtirtu aiawh ten thu an sawi bawk a ni. E-Lungdar MZP Sub headquarters zirlai hlawhtlinna chang thar chawimawina hi khawtlang, Zirtirtu leh zirlai ten an hlut hle a ni.

ISSUE BY 
MZP SUB-HEADQUARTERS EAST LUNGDAR