PRESS RELEASE



Vawin ni 8th May,2019(Nilaini) chawhma dar 11:00 khan MZP General Headquarters chuan Kum 2019 a HSLC Top ten-a mizo tling mi sawmhnih(20) te hnenah lawmpuina leh chawimawina hun a hmang a. He hun hi Pu B. Vanlaltana Vice President chuan a kaihruai a, Pu Lalnunmawia Pautu, General Secretary-in zirlaite chawimawina an neih chhan leh mi inphalte vanga kum 1995 atanga an lo chawimawi tawh dan report ape bawk. Tv. L. Ramdinliana Renthlei, President leh Pu John Lalpeka, Sponsor tu ten thusawiin, Pu Lalchhandama Ralte, Hon’ble Minister, Education chu khuallian niin hun a hmanpui bawk a ni.



He huna thusawitu L. Ramdinliana Renthlei MZP President chuan, "MZP in chawimawina hun kan buatsaih chhan chu Mizo zirlaite zingah inelna thianghlim awm se kan duh a, vawiin a zirlaite hian Mizo hnam kal zel turah hian tih ve tur leh mawhphurhna thuk tak kan nei ve a ni tih hria se kan duh vang a ni. Sorkarin sum tam tak seng a, a enkawl school te aia tanpuina pawh dawng ve lo leh zirtirtute hnen a hlawh tlem te petu Private School-a zirlaiten result tha an nei fo zawk mai hian ngaihtuah a ti thuiin kan Education kalphung hi siamthat deuh chu a ngai a ni tih a ti lang a ni. Zirna kalphung siamthat kawngah leh ram leh hnam tana tha zawk turah chuan MZP a in peih reng a, zirna siamthatna kawnga hmalatu apiang chu MZP in a thawhpui thei reng a ni. Khawvelah hian Mizote hi hnam tlemte kan ni a mahse theihtawp chhuah a kan beih chuan hnamdang tih ang leh hnam dang nih ang hi kan ni ve thei a ni. Zirna atang hian kan ram leh hnam siamthat hi a awl ber a, kan ram leh hnam humhalhna atana tha ber pakhat chu zirna hi a ni. Lehkha kan zir hian khawi hmunah pawh awm ila ram leh hnam hmangaihna kan nei tur a ni." a ti

L. Ramdinliana Renthlei chuan, "MZP chu kan pi leh pute luah chin ram humhalh a nih theih nan hma kan la chhunzawm zel dawn a, Nikum khan Central Sorkarin helai hmun hi a tu mah mahin khawih rih loh ni se an ti a, Mizoram lamin kan zawm that em em laiin Assam lam chuan Lo te an vat a, huan te an siam a, In te pawh an sa thar leh a ni. Tuna MZP hmalakna dodaltute pawh hi kan ram leh hnam hian a au a, MZP hmalakna hlutna la hre lo te tan pawh kan ram hi a hlu tho tho a ni. Tin, MZP in ramri kan vei hi tan tu kan ngah avanga vei kan ni lo a, mi tam tak sawiselna leh dodalna karah pawh kan ram kan chan belh zel loh nan kan bei zel dawn a ni."a ti bawk.

Khuallian Pu Lalchhandama Ralte chuan, ‘‘Kum 2019 HSLC exam top ten-a Mizo vek an lang chu lawmawm a ti a, Kum dangah top ten-a hnamdang an lang thup zel te kha zirlai pawl ka inhman ve chhung pawhin kan vei em em a, engtik nge mizo vek kan lan ang ti a kan thlir lai leh kan tlangau thinna chuan rah tha a rawn chhuah ta hi  hnam ang leh mizo zirlaite kan thanharhna niin ka hria a, hun lo kal zel turah kan chheh vel hnamdang zirlaite elphak loh tur a tha hnem ngai tak a zir zel turin’’ a fuih a ni.

Khuallian chuan, ‘‘Kum dang aiin zirlai pass tlem zawkin lang mahse a pass chhun te an tih that thu leh an quality zawk a, Kum 2019 top ten-a Aizawl khawpui chhung chauh ni lo, Mizoram hmun hrang hrang school atanga zirlai an lang chu a lawmawm hle a, chu tih ruala Sorkar enkawl school thenkhat zirlai pass miah lo awmna a awm chu pawi a tiin, Sorkar ang pawha enzui a ni dawn a ni. Zirna in hrang hranga zirtirtu indaihlohna pawh Mizoram sorkar chuan a vei hle a, chumi harsatna su kiang tur chuan zirtirtu engemawzat qualify chiah lak an nih tur thu’’ a sawi bawk a ni.

Pu John Lalpeka chuan, ‘‘Engtikah nge HSLC topper-te hi an khua/veng hian anlo hmuah anga, an VC ten LSC te anpek ve ang tih ka lo suangtuah thin chu kum 2019-ah erawh topper chu an khua/vengin an hmuak tih ka hriaa  lawmawm ka ti hle a ni. Zirlaite chu huaisen taka zira hnamdang tluk phak lo tur a zirna bei ngawrh turin a fuih a, zirlaiten inelna thianghlim tak leh chona an hmachhawn theih nan kum 2019 atangin HSLC topper te chu kum khat chhung thla tin GIG Motors a Unit of 3:16 plan solution chuan scholarship a pek zel tawh tur thua sawi’’ a ni.

     MZP te chuan Mizo zirlai mi sawmhnih(20) an chawimawi te hnenah hian thuziak(citation) leh tangkafai an hlan vek bawk a ni.




                  Sd/-
(LALNUNMAWIA PAUTU)
General Secretary