No. E-93/MZP-GHQ/2021-2023/11                     Dated, Aizawl, the 21st January, 2022

PRESS RELEASE

Mizo Zirlai Pawl General Headquarters chuan vawiin ni 21 January, 2022 chhun dar 12:00 khan MZP Conference hall-ah executive committee meeting a nei a. MZP Pisapuia Computer zirna kalpui chungchang, HIV/ AIDS dona kawnga hmalak dan tur, Mizoram University-a hnalak chungchang leh pawl chhung thu pawimawh hrang hrang rel a ni. Meeting hi President Lalnunmawia Pautu-in a kaihruai.

Meeting chuan, Mizo zirlaite tan Computer a thlawna zirna MZP Pisapuiah hawn a nih theih nan hmalak nise a ti a. A bik takin zirlai harsa leh hna zawng mekte tana tangkai thei ang bera kalpui tura tih a ni. 

Meeting chuan, zirlai leh thalai tamtak te harsatna leh natna vei mek HIV/ AIDS chungchang inzirtirna, zirlaite zingah kalpui tha a ti a. A tul angin hemi chungchangah hian a kaihhnawih department-te nen tangkawp a hmalakho turin a rel a ni. Mizoram zirna in sang ber Mizoram University (MZU) a thawktu tur hna lakah hian, dik tak leh a tling ngei lak a duh a. Chutih rualin a tling leh thiam rau rauah a ram leilungfa Zofate duhsaka, a tam thei ang ber an luh theih nan MZP chuan hmalak a rel bawk.

Meeting chuan MZP Establishment chungchang ngaihtuahin, MZP Sub - Headquarters leh Branch te chu February thla ral hmaa inthlang vek tur leh MZP Headquarter-te chu March thla ral hmaa inthlang vek turin rel.

Vawiin vek hian MZP chhungkua chhiat tawk, mi pathumte ralna hun hman a ni a. North East Students’ Organisation (NESO) in MZP post thar a pek NESO Coordinator turin Pu Lalremruata Hlawndo, Sihphir Venghlun chu ruat a ni bawk. 




(H LALTHUTHLUNGA ZATE)
Secretary i/c Publicity