No. E-93/MZP-GHQ/2021-2023/10             Dated, Aizawl, the 19th January, 2022


MZP PRESS RELEASE


Vawiin January 19, 2022 khan  MZP General Headquarters, Aizawl hruaitute leh College SU hruaitute chuan MZP President Pu Lalnunmawia Pautu hovin Mizoram Chief Minister Pu Zoramthanga a pisa-ah kawmin zirlaite leh ram leh hnam thilte thlen a ni.


MZP chuan, College class off-line a kaltir tura ngenna, Mizoram sawrkar hnuaia College Students’ Study Fund tihpun, Higher & Technical Director, ZOFEST 2022 , Vathuampui a RD Block dah tura ngenna te leh Ramria kuthnathawktute harsatna chungchang te Chief Minister hnenah hian thlen a ni.

MZP chuan, zirlaite hmakhua tur ngaihtuahin online ringawta class an kal hi tha lo tiin Chief minister hnenah hian final semester tal chu offline a class kal tir turin a ngen a. Mizoram sawrkar hnuaia College Students’ Study Fund beitham tak chu tipung tura ngenin, Higher & Technical department ah Mizo zirlaite hma ngaia Director atan Mizo ngei dah turin a ngen.

MZP chuan, Rural Development Block (RD Block) siam belh turah Vathuampui-ah ngei RD block dah turin a ngen a, hemi bakah hian Ramria kuthnathawktute harsatna chungchang thlenin, Thangram Indigenious People’s Movement chungchang a thlen bawk.

Chief Minister Zoramthanga chuan, MZP te thu thlente a ngaihpawimawh thu sawiin, tihhlawhtlin dan ngaihtuah a lo intiam bawk a ni.






(H. LALTHUTHLUNGA ZATE)
Secretary i/c Publicity