No. E-93/MZP-GHQ/2021-2023/14             Dated, Aizawl, the 23rd February, 2022

PRESS RELEASE

Mizo Zirlai Pawl (MZP) General Headquarters hruaitute chuan vawiin ni 23rd February, 2022 (Nilaini) chawhnu dar 2 khan Pu Lalnunmawia Pautu President hoin, Power and Electricity Department Engineer-In -chief  Er. Lalduhzuala Sailo chu a office-ah hmuh a ni a, Zirlaite exam chhunga power supply khaihlak lo tura hma lakpui tura ngen a ni.



MZP chuan, Zirlaite tana hun pawimawh HSLC leh HSSLC Examination kan hmachhawn turah hian, zirlaiten an zirlai tha taka an zir theih nan heng an exam hun chhung hian power supply khaihlak lova pekchhuah a nih theih nan a theih ang anga hma lak sak turin E-in-C hnenah ngenna lehkha an pe a. Harsatna awm thei hrang hrang pumpelh a nih theih nana ruahmanna siam turin an ngen.


Power & Electricity Engineer-in-Chief Er. Lalduhzuala Sailo chuan, “kan ven theih loh khuarel chhiatna a thleng a nih loh chuan zirlaite exam chhung chuan power supply a khaihlak loh nan theihtawp chhuah kan tum ang,” a ti a. Department-in power supply khaihlak a awm loh nan a tul ang anga hmalak an tum thu leh, eng emaw avanga shutdown ngaite a awm pawhin, zirlaite exam loh hun a insiamrem hram hram an tum tur thu a sawi.

MZP chuan HSLC leh HSSLC zirlai exam hmachhawn turte chu duhsakna sang ber a hlan a. Result duhawm tak an neih ngei a beisei takzet a ni. Chutih rualin, zirlaite rilru tiphawklek thei hrang hrang, ri bengchheng leh harsatna siam lo turin mitin a ngen nghal a ni.





(H LALTHUTHLUNGA ZATE)
Secretary i/c Publicity