MZP PRESIDENT PU LALNUNMAWA PAUTU KRISMAS THUCHAH
All India Radio, Aizawl (FM Zoawi 100.7 mhz) 25/12/2021 (9:50am)


Pu Lalnunmawia Pautu, President

MZP Gen. Hqrs. Aizawl

 

Chibai u le,

1.  Lalnunmawia Pautu, Mizo Zirlai Pawl (MZP) General Headquarters President ka ni a. Khawvel hmun hrang hranga Mizo zirlaite leh Zofa zawng zawngte kutsuih loh chibai ka buk a che u.

2.   Covid 19 hrileng karah, Kristiante ni pawimawh leh hunpui ber­, kan Lalpa Isua krista kan tana he khawvel a lo kal champhaphak- Christmas kan thleng leh thei hi kan vanneiin kan nihlawh hle a. Siamtu Pathian hnenah lawhthu sawi chungin, kan vanneih zia o hre thar ang u.

3.   Hrileng avanga nunna chan ta, chhungkaw kima he hun hmang ve theilo; khawhar leh lunglenga he hun hmang zawng zawngte pawh, thlamuanna Pathian chuan thlamuanin hnem che u se tih hi ka duh a ni.

4.   Kan hun tawn mek hi kan hria a, hripuiin min la kiansan lova. Chuvangin, hlim leh lawm taka he hunpui hmang chungin kan fimkhur a la ngai takzet a. Sawrkarin kan himna tura inkaihhruaina a siamte ngaipawimawha zawm turin mitin kan inngen a. Puipunnaa hmaituam leh kutsilte i ngaipawimawh zel ang u.

5.  A bik takin Mizo zirlai, kum thar 2022-a Exam hmachhawn tur zawng zawngte chuan, hunpui (Christmas) leh kumthar hlim taka hmang chungin kan zirlai kan thlahthlam tur a ni lova. Kan nakin hun hriltu tur a nih avangin in thlahdah thei kan ni lo tih hre reng ang u.

6.  A tawp berah chuan, he hunpui (Christmas) hi Pathian hre chunga, midangte duhsakna hlan chungin, hlim taka hmang turin a bik takin ka thalai puite leh Mizo zirlai zawng zawngte duhsakna ka hlan nawn a che u. 

Ka lawm e.