No. E-93/MZP-GHQ/2021-2023/21                  Dated, Aizawl, the 5th April, 2022

PRESS RELEASE


Mizo Zirlai Pawl (MZP) General Headquarters chuan vawiin Ni 5, March 2022 chhun dar 12:00 khan Extended Office Bearer & Adviser meeting neih a ni a. Phainuam Buarchep rama Assam sorkarin thir lei (Bailey Bridge) a dawh chungchang rel a ni a. Meeting hi MZP President Pu Lalnunmawia Pautu-in a kaihruai.

Meeting chuan tunhnaiah Mizoram chhung Buarchepah Assam sorkarin lei a rawn dawh chu hriatthiam har a ti hle a. Mizoram leh Assam sorkar thuneitu ten thua inremna siamin helai hmun hi khawih lo tur leh kutthlak lo tura inremna a awm laiin Mizoram lam chuan he inremna hi tha taka a zawm laiin hetiang hmalakna a awm hi meeting chuan a dem takzet a ni.

Hemi chungchang enzui hian MZP chuan a tul angin hma a la chhunzawm dawn a. Hetiang thil a thlen nawn loh nana hmala turin MZP chuan sorkar thuneitute a ngen a. A tul angin MZP chuan hma a la zel dawn a ni.

Meeting thurel angin Buarchep leh Bairabi zophai chhehvela ramri chungchang hmalakna hrang hrangte a hmunah kala enfiah turin MZP President Pu Lalnumawia Pautu leh General Secretary Pu Jaocb Lalmuanpuia te an thawkchhuak nghal dawn a ni.

MZP chuan, Mizoram sawrkarin Assam nena inbiakremna zah tak chunga hma thar la lova a awm laia Assam sawrkarin hma a la hi hriatthiam har a ti hle a, a hmunah kalchilhin endik ngei a tum a. A tul anga hmalak a tum a ni.

Mizoram ram chhung humhalh leh Zohnathlakte thlavang hauh tur hian MZP chuan theihtawp a chhuah zel dawn a ni.

Sd/-
(H LALTHUTHLUNGA ZATE)
Secretary I/c Publicity