No. E-93/MZP-GHQ/2021-2023/96              Dated, Aizawl, the 30th March, 2023


MZP PRESS RELEASE


Vawiin ni 30th March, 2023 (Ningani) chhun dar 12 khan MZP General General Headquarters Pisapui-ah MZP, Muslim Welfare Society Mizoram leh Central Mizoram Gorkha Youth Association (CMGYA) hruaitute chuan Joint meeting an nei a. Mizoram chhunga hnamdang dan lova sumdawnna kalpuite dapchhuah kawngah thawhho an rel. Meeting hi Pu Lalnunmawia Pautu MZP President-in a kaihruai a ni.

Mizoram chhunga hnamdang dan lova sumdawnna kalpuite MZP-in dapchhuah a tum mek hi Muslim Welfare Society Mizoram leh Central Mizoram Gorkha Youth Association (CMGYA) hruaitute chuan tha an ti a. A tul angin MZP hmalakna chu tawiawm a thlawp nise an ti bawk. MZP chuan Mizorama hnamdang danloa sumdawnna kalpuite chu an sumdawnna tihtawp a nih theih nan hmalak zel a tum a ni.  

Tun hnaiah hnamdang dan lova sumdawnna kalpui hi a tamin, a hluar hle tih hriat a ni a. Mizo hming hawha sumdawnna bakah, State pawn atangin man tlawmte tein phalna neilo ten Mizoram chhungah sumdawnna an kalpui nasa hle a, an bungrua an hralh zawh hunah an haw leh mai zel tih pawh hriat a ni. Hei hi tualchhunga Mizo sumdawngten an tuar hle a, nghawng lian zawk a neih hmaa tihtawp a nih theih MZP chuan hmalak a tum a ni.

Hnamdang dan loa sumdawnna kalpuite dapchhuah chungchang hi MZP Special Assembly ni 9th February, 2023-a Borapansury Zofate Chawlhbuka neihin a lo rel tawh, “Mizoram chhunga hnamdang dan loa sumdawngna kalpui mekte hi MZP-in dapchhuah nise, Mizoram sawrkar-in a tihtawp theih nan hmalak ni rawh se” tih bawhzuina kal mek a ni. 

He hmalaknaah hian MZP chuan a tul angin pawl dang pawh meeting pui zel a tum a, kan ram leh hnam tana hmalakna a nih avangin Mizo mipuite thlawpna a ngen nghal a ni.  



(JACOB LALMUANPUIA)
General Secretary