October Ni 12, 2023 (Ningani) chawhnu dar 2 a MZP General Headquarters Executive Meeting vawi 623-na chuan Hnamdang pasal nei MLA Candidate a dah chungchang a ngaihtuah a, Meeting chuan, Mizoram rorelna sang ber Assembly House-a thu tur MLA inthlanna lo awm turah Mizo Hmeichhia hnamdang pasal nei candidate tura dah tumna awm hi pawi a ti a. MZP-in political party tinte hnamdang pasal neite Candidate-a dah lo tura vawi tam a ngen tawh chungin awmzia a nei tawklo in a hria a. Mizoram leh hnam a him zel theih nan a tawp thlengin hmalak zel nise tia rel a ni.
October Ni 12, 2023 (Ningani) chawhnu dar 2 a MZP General Headquarters Executive Meeting vawi 623-na chuan Hnamdang pasal nei MLA Candidate a dah chungchang a ngaihtuah a, Meeting chuan, Mizoram rorelna sang ber Assembly House-a thu tur MLA inthlanna lo awm turah Mizo Hmeichhia hnamdang pasal nei candidate tura dah tumna awm hi pawi a ti a. MZP-in political party tinte hnamdang pasal neite Candidate-a dah lo tura vawi tam a ngen tawh chungin awmzia a nei tawklo in a hria a. Mizoram leh hnam a him zel theih nan a tawp thlengin hmalak zel nise tia rel a ni.

Hemi bawhzui nan hian a tuk October Ni 13, 2023 khan MZP Pisa Pui-ah Press Meet neih a ni.

PRESS STATEMENT

  1. MZP chuan ram leh hnam himna tur hi a lungkham leh ngaihpawimawh ber a ni thin a. Pawl thiltum 11 zingah; “Inchimral theihna laka Mizo Hnam humhalh” tih leh “Mizoram leh Hnam tluchhe tur ven tlat” tih hi a tel nghe nghe a ni. 
  2. MZP chuan kum 2015 atangin, Mizo hnam a lo him zel theih nan September ni 2 hi, “Hnamdang nupui pasal neih loh inzirtirna ni” tiin kumtin a lo hmang thin a. Hnamdang kawppui neih hi Mizo hnam tan a pawi tur zia leh, hnam kal zel atan a that loh zia zirtirna pek thin a ni. Hnamdang kawppui neilo turin kumtin zirlai a sang telin thutiam an la thin bawk.
  3. MZP chuan hnamdang kawppui nei lo tura inzirtirna a kalpui bakah, Mizo hmeichhia hnamdang pasal neite MLA Candidate a dahlo turin, MLA Election apiangin party tinte hnenah ngenna a lo thlen tawh thin a. Kumin 2023 Election lo awm tur-ah pawh hian Hnamdang pasal neite MLA Candidate an awm loh nan December ni 19, 2022 daih tawh khan Party tinte hnenah ngenna lehkha a pe vek a ni.
  4. Ram leh hnam himna atana MZP ngenna chu Party tinte pawh hian an zahin, Party thenkhat phei chuan hetianga Candidate beiseite pawh an thlak phah hial a. MZP chuan lawmawm a ti hle a ni. Chutih laiin tun hnaiah hnamdang pasal nei ngeia hriatte hming Candidate turin a ri ring hle tih hriat a ni a, MZP chuan ni 21 August, 2023 khan Party tinte hnenah MLA Candidate a hnamdang pasal neite dah lo turin ngenna a thawn nawn leh vek a ni.
  5. MZP chuan theih ang angin, Party President te pawh hmaichhanah hmuin, a lo sawipui tawh a. Beiseina sang tak nen a thlir mek a ni. Mizoram rorelna sang ber Assembly House-ah meuh hnamdang pasal neite thut ve hi MZP chuan rem a ti ngai dawn lova, mahni hnampuite aia hnamdang neite hian ram leh hnam thil tak tak an vei phak hi MZP chuan a ring lo a ni.
  6. Mizo hnam dan “The Mizo Customary Law” Published by Law & Judicial Department Govt. of Mizoram bung 3:74-na chuan, “...Mizo hmeichhiain hnam dang pasal a neih chuan hnam dang chhungkuaah a luta ngaih a ni” a ti a. MZP chuan Mizo hmeichhia hnam dang neite chu hnam dang chhungkuaah a ngai nghet tlat a. Mizo mipui aiawha ram rorelna sang bera thu turin a pawm thei lo a ni.
  7. MZP chuan Political party tinte hnamdang pasal neite Candidate a dah lo turin a ngen nawn a, Mizo mipuite pawhin MZP dinna hriaa hetianga hnamdang chhungkuaa lutte an lo Candidate a nih pawhin lo hnawl ngam turin a ngen bawk a ni. 


Issued by: MZP General Headquarters, Aizawl.