Vawiin ni 3rd July, 2024(Nilaini) khan Mizo Zirlai Pawl (MZP) General Headquarters leh CT Group, Punjab tangkawpin a buatsaih Career Counselling & Felicitation Ceremony chu MZP Conference Hall-ah neih a ni a, Pu Lalsangliana, Director School Education Department chu khuallian niin, Pu Zairemthanga, Treasurer kaihhruaina in he hun hi hman a ni.

He hunah hian Khuallian Pu Lalsangliana, Director School Education Department chuan zirlaite hnenah fuihna thu sawiin, "Ram danga kan awm a nih pawn mahni indah hniam ngai lo tur leh hnamdang lakah pawh kan theihna kan lantir thei tura kan zirna kawngah theihtawp kan chhuah a ngai,"a ti.

Khuallian chuan, zirlai kan nih laia kan thiante aiin kan rilru a chak deuh a nih pawn, taimakna, tumruhna leh tawrhchhelna kan neilo a nihchuan kan tum(goals) kan thleng thei ngai dawnlo a,  harsatna tam tak kan hmachhawn a beidawng lo a hma lam kan pan zel a ngai takzet a ti.

He hunah hian, Pu Rahool Alwal, IPS Aizawl SP pawn thu sawiin, zirlaite chu kan thil tum(Goals) a chiang tur leh mahni tuina lama kal turin zirlaite a chah a, kan nitin nunah lehkhabu chhiar te pawh chin ?han(habbit)a nei turin a fuih.

He hunah hian, zirlai pawl 12 pass chhuak Science subject la te leh Pawl 11&12 zirlai ni mek mi 58 Certificate, Citation leh medal hlan an ni a. Pu F. Lalnienga, MZP Adviser leh  Dr. Rohit Sharma, CT Group Director te'n Career Counselling hun leh zirlaite fuihna thu tha tak an sawi bawk.


(No. E-93/MZP-GHQ/2023-2025/70 | Dated: Aizawl, the 3rd July, 2024)