Vawiin July Ni 19, 2024 hian MZP General headquarters hruaitute chuan National Institute of Electronics and Information Technology (NIELIT), Aizawl chu Deemed University a nih thar lawmpui turin Pu C. Lalremruata, Vice President hoin an leng a, T. Gunendra Singh, Director in lo dawng sawngin NIELIT Insitution ṭhan zelna tura pawimawh chi hrang hrangte sawiho a ni. NIELIT Aizawl Centre hi Kum 2001 a din a ni a, a hma chuan DOEACC Centre, Aizawl tia hriat thin kha a ni.


Mizo Zirlai Pawl (MZP) General Headquarters hruaitute chuan July ni 17, 2024 a Ministry of Education, Government of India-in UGC Act, 1956 hmangin NIELIT Centre, Aizawl chu Deemed University a hlan kai a ni chu an lawmpui takzet thu an sawi.

NIELIT Aizawl hian tunah hian course hrang hrang, MCA, MSc (Electronics), BCA, leh 3-year Diploma (Computer leh Electronics) course hrang hrang kalpui mek a ni a, heng course te hi kalpui chhunzawm zel tum a ni. Heng bakah hian B.Tech., M.Tech., leh Ph.D. programme te buatsaih an tum bawk.

NIELIT Aizawl-ah ST/SC zirlaite tan zir man tih hniam theih nan sawrkar laipuiin an thuam tha mek bawk.

NIELIT Aizawl centre hi Deemed University a nih tak avangin hmasawnna tur hrang hrang heng, a bikin campus zauhna tur te leh Boys and girls hostel hmunhma te an mamawh hle a, heng hmunhma te pawh hi an mamawh ang ngeia ngaituah vat turin sorkar thuneitu te kan ngen nghal a ni.