Vawiin ni 15th July, 2024(Thawhtanni) khan zirlaite'n a tun thlenga Samagra Shiksha hnuaia zirlaibu an la dawn loh chungchangah, Pu F. Rodingliana, Minister Printing & Stationery changtu hmuh a ni a, School Education Department changtu Minister erawh MZP hruaitute'n an hmu theilo a ni.

Ni 3rd June, 2024 a MZP Executive Committee Meeting chuan, a hun taka zirlaite'n an zirlaibu an dawn theih nan hmalak nise tiin a rel a, thla khat ral hnuah pawh zirlaite'n an chanvo zirlaibu an la dawng kim theilo chu MZP chuan hriatthiam har a ti hle a, Printing & Stationery Minister Pu F. Rodingliana chu MZP hruaitute'n hmu in, zirlaite harsatna hrethiam in zirlaibu chhut a nih nghal theih nan ama Department sum atanga zirlaibu chhut nghal vat a nih tur thu sawiin, MZP hruaitute chuan zirlaite hmakhua ngaitu Minister kan nei chu a thlamuanthlak takzet tih an sawi.

MZP hruaitute chuan, School Education Department changtu Minister chu, zirlaite harsatna tawh chungchang thlen tumin hmuh an tum a, hmuh theih a nilo leh zirlaite harsatna tawh sukiang tura engtik lai pawh a awm tura ngaih hmuh theih a nilo chu MZP hruaitute chuan hriatthiam har an ti hle.

Samagra hnuaia lehkhabu a thlawna sem tur la dawng kimlo sikul awmzat hetiang hi a ni -

 

Aizawl District :-

Primary School - 173

Upper Primary / Middle School - 136

Sub Total - 309

 

Mamit district -:

Primary School - 130

Upper Primary / Middle School - 106

Sub Total - 236

 

Lawngtlai District :-

Primary School - 122,

Upper Primary / Middle School - 84

Sub Total - 206

 

Lunglei District  -:

Upper Primary / Middle School - 164

Sub Total - 164

 

Kolasib District  -:

Primary School - 30

Upper Primary / Middle School - 58

Sub Total - 88

 

Hnahthial District -:

Primary School - 49

Upper Primary / Middle School - 37

Sub Total - 86

 

Champhai District  -:

Primary School - 28

Upper Primary / Middle School - 34

Sub Total - 62

 

Khawzawl District -:

Upper Primary / Middle School - 36

Sub Total - 36


Serchhip District  -:

Primary School - 37

Upper Primary/Middle School - 33

Sub Total - 70

 

Siaha District -:

Primary School - 12

Upper Primary/Middle School - 1

Sub Total - 13

 

School Total - 1,270

Primary School - 581

Upper Primary/Middle School - 689