🏆 St. Joseph HSS an thiam ber!


Mizoram Building & Others Construction Workers Welfare Board & Aizawl Smart City Ltd. MZP Inter-High School Quiz 2024 chu ni 21 - 25 October 2024 chhung khan Ignite Studio, Khatla-ah neih a ni a. A pumpuiah St. Joseph hi pakhatna an ni a. CLS Academy pahnihna niin, Solomon's HS chu pathumna a ni. 

Kumin MZP Inter High School Quiz-ah hian sikul 22 an tel a, First Round, Semi Final leh Final Round-ah inelna hi buatsaih niin, Class X Zirlai atanga question hi set a ni.

Ni 25 October, 2024 zan dar 8:00 khan, a tawp kharna hun leh Final match neih a ni a, he hunah hian Home Minister, Pu K. Sapdanga chu Khuallian niin hun a hmanpui a. Zirlaite fuihna a neih bakah lawmman a sem bawk. 

Lawmman an lak dan chu hetiang hi a ni:-


🥇 Champion - St. Joseph HSS niin, Trophy+Certificate bakah pawisa fai cheng 30,000/-  an dawng.

🥈 1st Runner Up- CLS Academy niin, Trophy+Certificate leh pawisa fai cheng 20,000/-.

🥉 2nd Runner Up - Solomon's High School niin, Trophy Certificate leh pawisa fai cheng 10,000/- an dawng a ni.

Heng bakah hian Finalist te— Pu Lalhruaitlunga Chawngte ziak- Râltiang rimawi, Pu Lalhmachhuana Zofa ziak- Mizo thu leh hla hrilhfiahna leh Pu R. Lalhmangaihsanga ziak- Competitive Guide Book-te hlan vek an ni. 

Best Quizzer lawmman hi C. Lalramtiama, St. Joseph HSS-in a dawng a. Quiz Master hi Nl. Zorinpuii Hlawndo a ni.