7/11/2024:: Vawiin chawhnu dar 12:30 a Mizo Zirlai Pawl General Headquarters Executive Committee Meeting vawi 637-na thukhawm chuan, Tribal scholarship chungchang a ngaihtuah.

Meeting chuan, Tribal scholarship 2nd Installment tun thleng a la sem loh chungchang a ngaihtuah a. Mizoram sawrkar-in Scholarship sem leh tur October ni 16 a Central sawrkar atanga a dawn tawh, tun thlenga sem la ni lo hi pawi a ti hle a. Zirlaite mamawhna hriaiin, ni 18 November 2024 (Thawhtanni) ral hma ngei a sem a nih loh chuan na zawk a hmalak a rel.
Thuneitute’n zirlaite harsatna hriatthiampui a, a rang thei ang ber a sem vat turin MZP chuan thuneitute a ngen nawn a ni.