𝙳𝚊𝚗 𝚕𝚘𝚊 𝚙𝚎𝚖 𝚕𝚞𝚝 𝙲𝚑𝚊𝚔𝚖𝚊𝚝𝚎 𝚊𝚗 𝚎𝚗 𝚕𝚒𝚊𝚖 𝚖𝚊𝚒 𝚖𝚊𝚒 𝚕𝚊𝚒𝚊, 𝚉𝚘𝚏𝚊 𝚛𝚊𝚕𝚝𝚕𝚊𝚗𝚝𝚎 𝚝𝚑𝚊𝚠𝚗 𝚔𝚒𝚛 𝚊𝚗 𝚗𝚒 𝚑𝚒 𝙼𝚉𝙿 𝚌𝚑𝚞𝚊𝚗 𝚑𝚛𝚎𝚝𝚑𝚒𝚊𝚖 𝚕𝚘

MZP PRESS RELEASE
Vawiin ni 17 January, 2025 (Zirtawpni) chhun dar 12:00 khan MZP General Headquarters Executive Committee meeting vawi 639-na MZP Conference Hall-ah neih a ni a. Meeting-ah hian Free Movement Regime (FMR) hlih chungchangte, MPSC hnuaia hnalak chungchang leh pawl chhung thil pawimawh hrang hrangte rel a ni.

Meeting chuan, tun hnaiah India sawrkar-in Myanmar leh Mizoram inkalpawhna Free Movement Regime (FMR) a ti tawp hi hriatthiam har a tiin, pawi a ti takzet a. Zofa chhak leh thlanga cheng, u leh nau, hnam leh sakhua thuhmun, awlsam taka inkalpawhna kawngpui pawimawh tak khar a ni ta hian Zofate inpumkhatna turah nghawng tha lo tak a neih a hlau a ni. Tun hnaia Myanmar, Bangladesh leh Manipur buaina avanga Mizorama sa himna zawnga lo tlan kan unaute theih ang angin Mizoram-in a tuamhlawm mek a. Chutih laiin, Bangladesh atanga Mizorama sa himna zawnga lo lut mi 28 velte Myanmar ram chhungah thawn let an ni hi Meeting chuan pawi a tiin, a lainat hle a. Bangladesh atanga dan loa lo pem lut Chakma mi sing tel an en liam mai mai laia, Zofate laka India sawrkar laipui hmalak dan hi hriatthiam a har hle a ni. Hemi chungchang hi Union Home Ministry-ah lehkha thawn nise tih a ni.
Meeting chuan, MPSC hnuaia hnalak felhlel nia MZP-in a hriatte a chhui chianna a ngaihthuah a. MZP leh MPSC hotuten dawhkan kila thil felhlel lai nia hriatte sawihoin, MPSC kalphung dik lo lai leh siamthat ngai nia a hriatte sawihona a nei a. Ngun takin hna lak hrang hrangte enzui zel nise tih a ni. Meeting chuan, MPSC hi thalai hna zawng mek ten rinna an nghah zel theih nan leh dik leh fair taka a kal zel theih nan uluk taka enzui zel nise tih a ni.
Meeting-ah hian Zoram Ni hman dan turte, MZP Kum 90-na lawm dan tur leh MZP Establishment chungchang pawh rel a ni a. Meeting hi Pu H. Lalthianghlima MZP President-in a kaihruai a, Executive Committee Member an kal tha hle.

Sd/-
(CHINKHANMANGA THOMTE)
General Secretary
No. E-93/MZP-GHQ/2023-2025/114
Dated: Aizawl, the 17th January, 2025