24/01/2025: Scholarship thawh thumna (3rd installment) tur hi Central sawrkar, Ministry of Tribal-in Mizoram sawrkar hnenah pawisa an la rawn pek loh avângin sem theih a la ni lo.

Scholarship thawh thumna nghaktu zirlaite atangin, MZP chuan zawhna a dawng nasa hle a. Chuvangin, Mizoram Scholarship Board hotute thil awmdan zawhfiah an ni a. 2nd Installment sem zawh a nih khan UC leh lehkha pawimawh tihfel ngaite thehluh nghal ni mahse, vawiin thlengin Central lamin pawisa an la rawn pe thei lo niin an sawi a. Pawisa dawn a nih veleh sem nghal a ni ang an ti. Zirlaite dawh thei taka nghak hram hram turin an ngen.
Post matric Scholarship (2023-2024) hi zirlai 31,685-in an dil a. Zirlai 26,670 pek tawh an ni. La dawnglo zirlai 5,015 an awm mek a. Heng zinga zirlai 3,981 te chu sum awm veleh pek nghal tur an ni a. Zirlai 1,034 te pending mekin, Zirlai 898 te erawh Aadhar seeding loh avang leh chhan dang dang avangin, reject list-ah an awm thung.
Tun thlenga Scholarship sem tawh hi a vaiin, cheng nuai 3,471.91 a ni a. Heng atanga 10% (Rs. 345.84 lakhs) hi Mizoram sawrkar-in a tum (State Matching Share) a ni.
FY 2023-2024 sem zawh la ni lo mahse, FY 2024-2025 hi National Scholarship Portal kaltlangin dilna nikum khan hawn a ni a. A hun pawh a tawp tawh a ni.
MZP chuan zirlaiten Scholarship an dawn hma chuan, a á¹­ul angin a enzui zel dawn a ni.