JOINT PRESS STATEMENT

          Vawiin ni 21 March, 2025 (Zirtawpni) chawhma dar 11 khan, MZP Pisapui Aizawl-ah; MZP hruaitute kaihhruaina hnuaiah Hmar Students’ Association (HSA) leh Siamsinpawlpi (SSPP) hruaituten chuan Joint Meeting an nei a. Manipura Hmar leh Zomi inkar buaina kal zelah, Mizoramah buaina a kan kai zel loh nan leh remna a awm theih nan hmalak ho zel dan tur sawiho a ni. Meeting hi Pu H. Lalthianghlima MZP President-in a kaihruai.

          Joint meeting chuan, heng a hnuaia tarlan ang hian thuchhuah intawn a siam:-

          1. Manipura Zofate inkarah buaina a thleng hi pawi kan ti a, inremna a awm theih nan theihtawpa hmalak ho zel nise kan ti.

          2. Zofate inkarah chi leh chi intihthiam lohna awm hi tha kan ti lova, Zofate inkarah inpumkhatna a awm theih nan hmalakho zel tha kan ti.

          3. Zofa unau karah  inrem lohna thleng thin hi pawi kan ti hle a. Tun hnuah thleng nawn tawh lo se kan ti a. Hetiang thil hi theih tawpa do tlan zel nise kan ti.

          4. Manipur Zofate inkara buaina avanga, Hmar Students’ Association (HSA) ten, Zomi’te tan pawm harsa tak thuchhuah a siam avanga rilru na leh thlabar an awm avangin meeting-ah hian HSA hruaitute chuan mipuite hnenah ngaihdam an dil a. Hemi avanga Siamsinpawlpi (SSPP)-in Police station pathum (3) a FIR an lo thehluh tawh chu hnuhdawh (withdraw) an remti bawk.


Sd/-

(LALRAMLIANA RALSUN)             

 President

 Hmar Students’ Association, Jt. Headquarters, Aizawl  


Sd/-

(H. LALTHIANGHLIMA)                    

 President  

 Mizo Zirlai Pawl, General Headquarters, Aizawl.


Sd/-        

(LALJEMSON)

President 

Siamsinpawlpi         

Headquarters, Mizoram