Ni 25 April, 2025 (Zirtawpni) chhun dar 12 khan MZP General Headquarters Executive Meeting vawi 641 (2023-2025 term-ah vawi 19) na chu MZP Conference Hall-ah neih a ni a. MZP rorelna sang ber dawttu Federal council sitting vawi 58-na Agenda thlitfimna leh pawl chhung thil pawimawh hrang hrang rel a ni. Meeting hi Pu H. Lalthianghlima President in a kaihruai. 

MZP chuan, ni 2 May, 2025(Zirtawpni) hian MZP Conference Hall -ah an rorelna sang ber dawttu Federal Council Sitting vawi 58-na an nei dawn a, he huna rel tur agenda lutte thlitfima hun neih a ni. Meeting chuan, heng a hnuaia tarlan te hi Federal Council Sitting vawi 58-na Agenda atan a pawm a ni.

1. Mizoram in State University tha tak a neih theih nan, Mizoram State University Act 2025 hi MZP in zirchianna neih a, a tul anga hmalak ni rawh se.

2. Indo Myanmar Border hung tumna hian, zofate inpumkhatna atan harsatna a thlen dawn avangin, MZP in dodal zel ni rawh se.

3. Zirtirtu aikal la te lakah sawrkarin action a lak theih nan MZP in hma la rawh se.

4. School thenkhat sawrkar a?anga hlawh la te'n fee sang taka an la thin hi tih tawp anih theih nan MZP in hma la rawh se.

MZP General Headquarters chuan an rorelna sang ber dawttu Federal Council Sitting-ah hian, MZP chhungkua, Hnampual hruaitu, College Students' Union Leaders, Mizoram University Students Council leh Bar Council te he hun ngai pawimawha tel vek turin an sawm nghal a ni.