Vawiin ni 8 April, 2025 (Thawhlehni) chawhma dar 11 khan, MZP Pisapui-ah MZP General Headquarters Extended OB leh Adviser meeting neih a ni a. Mizoram a raltlante dinhmun sawiho a ni. Meeting hi Pu H. Lalthianghlima President in a kaihruai. 

Meeting chuan, Myanmar leh Manipur buaina avanga Mizoram a raltlante chu Mizo mipuite'n duat taka kan lo dawngsawng leh tuamhlawm hi a Mizo ziain, Christian kan nihna anga kan tih tur dik tak kan tiah a ngai a. Mizoram chu Zofate Inpui a nih avangin, Mizoram chhehvel a harsatna tawk ten pan berah an rawn nei hi, Mizote vanneihnaah a ngai a ni. 

Meeting chuan, raltlante Mizoram-ah an tam tawh avangin hnawk tihna tawngkam pawh a tam hle a. Raltlante zingah thil tisual an awm chuan, dan anga hrem turin thuneitute a ngen a. Chutih rualin eng emaw hlekah raltlante phih awhna tur dapa, raltlante tih hmingchhiat nana thu belhchian dawllo thehdarh ching kan awm hi vanduaithlak a ti a. Hei hian Zofate inpumkhatna leh in unauna ati chhe hle a ni. 

Hetiang thu belhchian dawllo hmanga raltlante puh chhiatna, finfiaha chhuichhuak zung zungtu Police-te chungah MZP chuan lawmthu a sawi nghal a ni. 

Meeting chuan, Raltlante enkawl dan leh chhawmdawlna mumal zawk a awm theih nan, Mizoram sawrkar hian dan mumal tak siam se a duh a. Hei hian Mizoram mipuite leh raltlante inkarah inhriatthiamna a siam a beisei a ni. 

MZP chuan, Zofate inunauna tichhe thei zawnga hmalakna leh tawngkam chhakchhuak lo turin mitin a ngen ni.