April ni 16, 2025 (Nilaini) chawhma dar 11:00 khan MZP General Headquarters, Aizawl hruaitute chuan Thaidawr tlang, Phuldungsei, Mizoram chhunga Tripura sawrkar-in kut an thlakna hmun tlawhin an enfiah.

MZP chuan, Mizoram chhungah Tripura sawrkarin kut a thlak fo chu hriatthiam har an ti hle a, helai hmun a hmalakna zawng zawng hi ti tawp nghal turin a hmun a hnathawktute an hriattir nghal. Mizoram sawrkar pawhin Tripura sawrkar hi a rang lama an hmalakna zawng zawng ti tawp tura hriattir turin a ngen nghal a ni.

Kum 2010 vela Mizoram sawrkarin Zomuantlang atanga Thaidawrtlang panna kawng link road a laih tlang pawh, sawrkar hian ngaihven zui nghal vat turin MZP chuan a ngen bawk.

He hunah hian, Phuldungsei Village Council hruaitute leh Mizo Convention Youth Wing, Jampui Hills te'n MZP hruaitute hi an tawiawm a ni.