A to bul: MZP General Headquarters Executive Meeting vawi 605 (2021-2023 terma vawi 2) na chuan, MZP Pisapui-ah Computer zirna kalpui nise tiin a rel a. Hei hi chak taka bawhzui niin, Pu Robert Romawia Royte khatih hun laia Information & Communication Technology (ICT) Minister chu sawipui a ni a. Minister chuan chak taka hma min lakpui nghalin, a department kaltlangin Computer full set-10 lai MZP-te min pe a. Kan lawm hle a ni. Pu Robert-a hmalakna vekin, ICT kaltlangin Computer set-5 dawn belh a ni bawk. 
CRPF ten Center an tlawh lai


Heng Computer-te hi MZP Pisapui chung ber (Top Floor)-ah dah niin, National Institute of Electronics and Information Technology (NIELIT) Aizawl nen tangkawpin Course on Computer Concepts (CCC) Course kalpui a ni. Class hi September 2022 thla atangin tan a ni a. Nitin shift 3 leh inrinni-ah te hian zirna hi kalpui thin a ni.   

Renovation: Central Reserve Police Force (CRPF) 225 Bn. ten Civic Action Programme (CAP) atangin MZP Computer Center cheithat hna min thawh sak a. April ni 18, 2023 khan CRPF 2 i/c Raja Ram Tokas -in a hawng a, a changtlun phah hle a. Center tihchangtlunna kawngah hian cheng nuai thum man hu an seng ral a, CRPF ten engkim an buaipui a. Computer dawhkan, White Board, Extionsion, Cieling fan, Cieling leh Projector-te an dah thar bawk. 

Hmachhawp: Tunah hian Center tih len tum mek a ni a. CCC bakah O Level thlenga zir theih tura hmalak mek a ni.